Xalq deputatlari Rishton tumani Kengashi deputati Zokirjon Axmedov va xalq deputatlari tuman  kengashi kotibyat mudiri Abrorjon Sobirovlar ishtirokida Rishton tumani “Pandigon ” MFY hududida joylashgan 14-sonli-maktabda olib borilayotgan qurilish ishlari o‘rganildi.

Xalq deputatlari tuman Kengashining 2025-yil 30-dekabr kungi  2026-yilda Rishton tumanini kompleks ijtimoiy-iqtisodiy rivojlantirish dasturi to‘g‘risidagi VII-16-95-11-158-K/25 sonli qarori bilan tasdiqlangan dasturlar doirasida "Pandigon" mahallasida joylashgan 14-maktabda mukammal taʼmirlash ishlari amalga oshirilishi belgilangan. Ushbu maktabning mazkur qurilish, rekonstruksiya (mukammal taʼmirlash) ishlarining loyiha qiymati 5milliard 624 million so‘mni tashkil etadi.  Ushbu mablag‘lar hisobidan maktabning barcha o‘quv binolari, sport zali qayta tamirdan chiqariladi. 

O‘rganish jarayonida deputatlar olib borilayotgan qurilish ishlarining har bir holatini va ishlatilayotgan qurilish materiallari sifatini mahalla faollari ishtrokida ko‘zdan kechirishdi.

O‘rganish yakunida aniqlangan kamchiliklarni zudlik bilan bartaraf etish, ishlarni loyiha-smeta hujjatlariga muvofiq sifatli va tartibli tashkil etish, shuningdek, obyektni belgilangan muddatlarda foydalanishga topshirish yuzasidan mas’ullarga qat’iy topshiriqlar berildi.