Xalq deputatlari Shayxontohur tuman Kengashi deputati Tuykulova Nodira Mirsabitovna tomonidan “Voyaga yetmaganlar oʻrtasida nazoratsizlik va huquqbuzarliklarning profilaktikasi toʻgʻrisida”gi Oʻzbekiston Respublikasining Qonuni ijrosi yuzasidan 136-sonli umumta'lim maktabida o'rganish olib bordi. 

Xususan, bugungi kunda maktab quvvati 260 oʼquvchi oʼrniga moʼljallangan boʼlib, 2025-2026 oʼquv yili uchun 510 nafar oʼquvchi bilim olmoqda, shundan qiz-bola oʼquvchilar soni 235 nafarni tashkil etib, umumiy sigʼim 1,9 koeffitsientni tashkil etishi maʼlum boʻldi. 2025-2026 oʼquv yilida maktabda jinoyatchilik va huquqbuzarlik holatlari qayd etilmagani mas'ullar tomonidan ma'lum qilindi.

Oʻrganish jarayonida "M.Uyg'ur" mahalla fuqarolar yig'ini raisi Sh.Muzrabekov ishtirok etib, taʼlim muassasasida profilaktika ishlarining holati, yoshlar bilan ishlash boʻyicha masʼullar tomonidan olib borilayotgan ishlar va ichki ishlar organlari va profilaktika inspektorlari tomonidan olib borilayotgan ishlar hamda nazoratsiz qolgan yoki ijtimoiy himoyaga muhtoj voyaga yetmaganlar bilan ishlash tizimi ko'rib chiqildi. 

Oʻrganish davomida ayrim holatlarda individual yondashuvning yoʻqligi qayd etib o'tildi hamda mazkur kamchiliklarni bartaraf etish boʻyicha masʼullarga profilaktika ishlarini kuchaytirish, yoshlar oʻrtasida huquqbuzarliklarning oldini olishga qaratilgan yangi tashabbuslarni tadbiq etish to'g'risida tavsiyalar berildi.

️Oʻrganish yakunida deputat N.Tuykulova tomonidan mazkur Qonun voyaga yetmaganlar oʻrtasida huquqbuzarliklarni kamaytirish, ularni toʻgʻri yoʻlga yoʻnaltirish va barkamol avlodni shakllantirishda muhim ahamiyatga ega ekanligi hamda bu sohada barcha davlat va jamoat tashkilotlari, shuningdek, ota-onalarning hamkorligi hal qiluvchi oʻrin tutishini ta’kidladi.