Jalaquduq tumanidagi Qutlug` MFYda aholini ijtimoiy-iqtisodiy rivojlantirishga qaratilgan ishlar atroflicha ko`zdan kechirildi. Xususan, hududda aholi turmush sharoitini yaxshilash, infratuzilmani rivojlantirish va eng dolzarb masalalardan biri bo`lgan ichimlik suvi ta`minotini yaxshilashga alohida e`tibor qaratildi. Ushbu jarayon Xalq
deputatlari Jalaquduq tuman Kengashi deputatlari Q. Ko`ziev hamda Sh.Abdugofurovlar tomonidan o`rganilib, aholini toza ichimlik suvi bilan ta`minlash borasida amalga oshirilayotgan ishlar tahlil qilindi. Jumladan, mavjud suv
tarmoqlarining holati, yangi quvurlar yotqizish, nasos uskunalarini yangilash hamda suv ta`minotini barqarorlashtirish bo`yicha olib borilayotgan chora-tadbirlar ko`rib chiqildi. O`rganishlar davomida mutasaddilarga ichimlik suvi ta`minotini yanada yaxshilash, tizimdagi mavjud kamchiliklarni bartaraf etish va aholiga uzluksiz hamda sifatli xizmat ko`rsatish bo`yicha tegishli tavsiyalar berildi. Bu kabi amaliy ishlar aholi farovonligini oshirish, sog`lom turmush tarzini ta`minlash hamda hududning barqaror rivojlanishiga xizmat qilishi ta`kidlandi.