Xalq deputatlari Parkent tuman Kengashiga 4-Bo‘ston saylov okrugidan saylangan deputat Usipxodjayev Yerlan Ormanovich o‘zi saylangan okrug “Bo‘ston” MFY hududida joylashgan Bo‘ston madaniyat markazi faoliyati bilan yaqindan tanishdi. Tashrif davomida madaniyat markazining moddiy-texnik bazasi, binoning umumiy holati, to‘garaklar faoliyati hamda aholiga ko‘rsatilayotgan madaniy xizmatlar sifati o‘rganildi. Xususan, markazda faoliyat yuritayotgan ijodiy to‘garaklar, yoshlar va xotin-qizlar uchun tashkil etilgan madaniy-ma’rifiy tadbirlar samaradorligi yuzasidan mas’ullar bilan suhbat o‘tkazildi.Suxbat jarayonida hozirda Madaniyat markazida 2 xil to‘garaklar faoliyat yuritayotgani ma`lum bo`ldi. Shuningdek, binoda mavjud jihozlar, sahna anjomlari holati ko‘zdan kechirildi. Deputat tomonidan hududda madaniyat muassasalari faoliyatini yanada jonlantirish, yoshlarning bo‘sh vaqtini mazmunli tashkil etish hamda milliy qadriyatlarimizni keng targ‘ib etishga qaratilgan ishlarni kuchaytirish zarurligi ta’kidlandi. Madaniyat markazining faoliyatini takomillashtirish bo‘yicha jamoatchilik nazorati ishlari izchil davom ettiriladi.