🔹Oilalar ajrimini oldini olish borasida deputat hamda mahalla faollari hamkorligi natijasida, hozirgi kunda “Tepaqo‘rg‘on” mahalla fuqarolar yig‘iniga qarashli Qummozor qishlog‘idagi ajrim yoqasida turgan bir oila yarashtirildi. Nomonqulov Mirxojiddin,
Ummataliyev Abdukarim, Qobulov Iftixor, Xalilov Ahmadillo oilalari eng yosh oilalar hisoblanishini inobatga olib, deputat o‘z o‘rganishlari davomida mazkur oilalar xonadonlariga borib, ularning ijtimoiy jihatdan barqarorligini o‘rgandi. 

🔹Aholi vakillarining murojaatlari asosan: hududdan o‘tuvchi Oqqo‘rg‘on arig‘i suv ta’minotini yo‘lga qo‘yish orqali dehqonchilikni yanada rivojlantirish, aholiga suyultirilgan gaz yetkazib berishni yaxshilash, mahallardagi chiqindilarni olib ketish masalalarida bo‘ldi. Mahalla xotin-qizlarini tibbiy ko‘rikdan o‘tkazish uchun tuman markazidan hududga ko‘chma tibbiy ko‘rik-shifokorlarini olib kelish bo‘yicha mahalla ayollari murojaat bilan chiqqanlar. Deputat mahalla aholisi vakillari bilan bo‘lib o‘tgan uchrashuvda murojaatlar yuzasidan deputatlik nazorati o‘rnatilishini bildirdi. 

                                                                                                                                   Xalq deputatlari Uchko‘prik tumani Kengashi kotibiyati