Bugun Xalq deputatlari Pastdarg‘om tuman Kengashi deputati H. Sulaymonova tomonidan Yangiobod mahalla fuqarolar yig‘inida istiqomat qiluvchi fuqaroning murojaati yuzasidan joyiga chiqib o‘rganish ishlari olib borildi.

O‘rganish jarayonida fuqaroning yashash sharoiti, ijtimoiy holati hamda mavjud muammosi ko‘rib chiqildi. Deputat tomonidan murojaatda ko‘tarilgan masalalar yuzasidan mas’ul tashkilotlar bilan hamkorlikda zarur chora belgilandi. Fuqaroga amaliy yordam ko‘rsatish, uning ijtimoiy muammolarini bartaraf etish, yashash sharoitini yaxshilash bo‘yicha vazifalar qo‘yildi.

Mazkur murojaat ijrosi deputat nazoratiga olib, belgilangan topshiriqlarning o‘z vaqtida va sifatli bajarilishi ta’minlanishi ta’kidlandi. Fuqarolar murojaatini o‘rganish va ular muammolarini hal etish — xalq vakilining ustuvor vazifalaridan biri ekani yana bir bor amalda namoyon bo‘ldi.

Har bir murojaat e’tiborda, har bir fuqaro manfaatlari himoyada.