Мен, -“10-санлы Пахта пункт” сайлаў округинен Халық депутатлары Кегейли районлық Кеңеси депутаты Мырзатаев Махмут Жиенбаевич усы жылдың 3-Октябрь күни белгиленген график тийкарында өз сайлаўшыларым алдында 2025-жылдың 10 айы даўамында әмелге асырған жумысларым бойынша сайлаўшыларға есабат бердим.

Атап айтқанда, Ҳүрметли Президентимиз тәрепинен Қарақалпақстанды социаллық-экономикалық раўажландырыў бойынша қабыл етилген Пәрман ҳәм Қарарлары, Халық депутатлары Кегейли районлық Кеңеси Сессияларында қабыл етилген қарарлардың мазмун-мәнисин ҳаққында түсиниклер берилди. 

Соның менен бирге, жылдың атмасына сәйкес қабыл етилген мәмлекетлик бағдарламада нәзерде тутылған реже ҳәм ўазыйпалар ҳаққында мағлыўмат берилди.

Есабат дәўиринде сайлаўшылардан 3 мүрәжат келип түскен болып, мүрәжатлар тийисли жуўапкерлер менен биргеликте унамлы шешим тапты.

Мәселен, райондағы Жылуан жап каналы бойын абаданластырыу бойынша муражат келип тускен еди. Бул муражат оз уактында унамлы шешимин тапты. 

Соны да атап өтиў орынлы, сайлаўшылар мәмлекетимизде әмелге асырылып атырған реформалардан разы екенлиги, оны ҳәр күни өз турмысында сезип атырғанлықлары билдирди.

Сессия, турақлы комиссия ҳәм депутатлық топар мәжилислеринде турақлы қатнасып, онда партиямыз электораты мәплеринен келип шығып өз пикир ҳәм усынысларымды билдирип келмектемен.

       Мырзатаев Махмут Жиенбаевич

     "10-санлы Пахта пункт” сайлаў округинен Халық депутатлары Кегейли районлық Кеңеси депутаты