Mahallada
ma’naviyat — e’tibor markazida! 

Farg‘ona tuman Kengashi deputatlari Bumayram Sobirova va Feruza Omonova tashabbusi bilan Tinchlik, Beruniy,
Oq oltin va Farg‘ona mahallalarida to‘y va marosimlarni
ixchamlashtirish, ortiqcha dabdabadan voz kechish va erta nikohlarni oldini olish
mavzusida dolzarb targ‘ibot tadbirlari
o‘tkazildi. 

Tadbirda
namoyish etilgan “Ota” nomli qisqa
metrajli tarbiyaviy film tomoshabinlarda katta taassurot qoldirdi. Film oilaviy
mas’uliyat, farzand tarbiyasi va insoniy qadriyatlar haqida chuqur mulohaza uyg‘otdi. 

Suhbat
davomida mahalla faollari marosimlarni ixcham
va mazmunli o‘tkazish, isrofchilikka chek qo‘yish, yoshlar tarbiyasida
oilaviy hamjihatlikni mustahkamlash haqida amaliy fikr va takliflar bildirdilar. 

Deputatlar
tomonidan ta’kidlandiki, har bir to‘y yoki marosim — bu nafaqat bayram, balki ma’naviyat va madaniyatning ifodasi hamdir.
Shu bois ortiqcha dabdaba emas, balki samimiyat va ma’no ustuvor bo‘lishi lozim. 

Bu
tadbirlar aholi ongida mas’uliyat, madaniyat
va ma’naviyatni yuksaltirish, oilalarda totuvlik va sog‘lom muhitni mustahkamlash sari muhim qadam
bo‘ldi.