🔹Aholi soni va mahalliy zaruriyatdan kelib chiqib, oilaviy shifokor punktlari, oilaviy poliklinikalar va ko‘p tarmoqli markaziy poliklinikalarda tunu kun navbatchi tibbiyot xodimi xizmati yo‘lga qo‘yildi.

🔹Ayni kunlarda deputatlarimiz xalqning ishonchini oqlash va mavjud muammolarni bartaraf etish maqsadida joylarda fuqarolar bilan yuzma-yuz muloqotda bo‘lib, murojaatlarni hal qilish uchun harakat qilishmoqda.

🔹Xususan, xalq deputatlari Uchko‘prik tumani Kengashi deputatligiga 23-Zig‘ir saylov okrugidan saylangan deputat Zarifa Mahkamova ham o‘z saylov okrugida bo‘lib, aholi muammolarini o‘rganmoqda. Deputat "Zig‘ir" mahalla fuqarolar yig‘ini hududidagi Zig‘ir hamda Yakkatut qishloqlariga xizmat ko‘rsatayotgan qishloq vrachlik punkti — oilaviy shifokor punkti faoliyati bo‘yicha o‘rganishlar olib bordi. Aholiga tez tibbiy va ixtsoslashtirilgan yordamni yanada takomillashtirish yuzasidan amalga oshirilayotgan ishlarni o‘rganganda: oilaviy shifokor punkti binosi mukammal ta’mirga muhtojligi, joriy yilgi tashabbusli byudjetga mukammal ta’mirlash uchun ovozga qo‘yishgani va uch ming ovoz to‘plashgani-yu, g‘olib bo‘lisholmagani aniq bo‘ldi. Hozirda Oilaviy shifokor punkti 14 ming 875 nafar aholiga imkon qadar xizmat ko‘rsatayapti. 1960 yillarda qurilgan Oilaviy shifokor punkti binosiga 1990-yilda QVP-qishloq vrachlik punkti nomi berilgan.

Deputat o‘rganuvi davom etmoqda.

Xalq deputatlari Uchko‘prik tumani Kengashi kotibiyati