Watan ushın, millet ushın, xalıq ushın!

Dúnyadaǵı hár bir mámlekettiń milliy suvereniteti hám ǵárezsizligi usı mámlekettiń xalıqaralıq huqıq subyekti sıpatında dúnya jámiyetshiliginen múnásip orın iyelewi, óz xalqınıń tınısh hám abadan turmısın, onıń eń áhmiyetli máplerin támiyinlewge xızmet etetuǵın bekkem siyasiy-sociallıq tiykar hám kúsh-qúdiret dáregi bolıp esaplanadı. 

Sózsiz, 1991-jıl 31-avgustta márt hám ullı mártebeli xalqımızdıń erk-ıqrarı hám qararı menen qolǵa kirgizilgen milliy ǵárezsizligimiz Jańa Ózbekstandı qurıw jolındaǵı barlıq reformalarımız sheshiwshi basqıshqa kirip atırǵan búgingi tariyxıy sharayatta hár qashanǵıdan da úlken áhmiyetke iye bolmaqta. 

Áyne ǵárezsizlik, barlıq siyasiy-huqıqıy kepilliklerdi ózinde jámlegen halda, "Ózbekstan - 2030" strategiyamızdı ámelge asırıw, jámiyetimizde tınıshlıq, doslıq hám awızbirshilik ortalıǵın bekkemlew, insan qádiri, huqıqları menen máplerin támiyinlew, regionımızda jaqsı qońsıshılıq baylanısların bunnan bılay da rawajlandırıw, dúnya mámleketleri menen jedel birge islesiw, Watanımızdıń xalıqaralıq kólemdegi abıray-mártebesin arttırıwda sheksiz tayanısh bolıp xızmet etpekte. 

Ózbekstan Respublikası mámleketlik ǵárezsizliginiń otız tórt jıllıq bayramına tayarlıq kóriw hám onı, joqarı dárejede belgilew haqqında 2025-jıl 10-iyul kúni PQ-222-sanlı qararı qabıllandı. 

Usı múnásábet penen Xalıq deputatları Bozataw rayonlıq Keńesi deputatı SH.Berdaqov tárepinen aymaqlarda Watan ushın, millet ushın, xalıq ushın súreni astında ilajlar ótkerildi. Ilaj dawamında ǵárezsizligimizdiń otız tórt jıllıq bayramı menen qútlıqlap, ǵárezsiz rawajlanıw jolındaǵı keń kólemli reformalarımızdı izbe-iz dawam ettiriw, barlıq taraw hám tarmaqlardıń rawajlanıwın jańa basqıshqa alıp shıǵıw maqsetinde búgingi kúnde elimizde milleti, tili hám dinine qaramastan, hár bir puqara erkin hám abat jasaytuǵın jańa jámiyet hám mámleket qurılmaqta. 

Ásirese, еkonomika tarmaqların jedel rawajlandırıw hám isbilermenlikke keńnen jol ashıw, jańa jumıs orınların jaratıw, kámbaǵallıqtı qısqartıw hám xalıqtıń turmıs abadanlıǵın arttırıw, medicinalıq xızmetler hám bilimlendiriwdiń sapasın jáhán
dúnya standartlarına beyimlestiriw, qala hám awıllarımızdı abat etiw, elimizdiń xalıqaralıq kólemdegi abıray-mártebesin arttırıw jolında erisip atırǵan nátiyjelerimiz barǵan sayın ayqın kórinbekte, olardı hár bir watanlasımız óz turmısında, sezbekte.