Deputatlar tumanda paxta yetishtirish holati bilan yaqindan tanishdilar 

Quva tumanida
2025 yilgi paxta mavsumi uchun 5,500 gektar maydonga chigit ekilib, hozirda yuqori
hosildorlikni ta’minlash maqsadida kompleks agrotexnik tadbirlar izchil amalga oshirilmoqda. 

Shu munosabat
bilan xalq deputatlari Quva tuman Kengashi deputatlari tomonidan tumandagi qator
fermer xo‘jaliklariga amaliy tashriflar uyushtirildi. Jumladan, Navoiy MMTP tarkibiga
kiruvchi “Umarova Mavlyuda Bo‘ston”, “Sodiqov Maxmudjon Barakasi”, “Shomurod Saxovati”,
“Mamajon”, “Maqsud Mansur Maxmud”, “Asadullo Axmadullo Oyatillo”, “Quva O‘lmasxon
Qabarova Saxovati” kabi fermer xo‘jaliklarida olib borilayotgan ishlar o‘rganildi. 

Tashrif davomida
deputatlar tomonidan hosildorlik darajasi, agrotexnik talablarga amal qilinishi,
suv ta’minoti, mineral o‘g‘itlardan foydalanish holati, g‘o‘zada chekanka ishlari,
begona o‘tlarga qarshi kurash va mehnat jarayonlari batafsil o‘rganildi. 

Fermerlar bilan
muloqotlar jarayonida xo‘jalik rahbarlariga g‘o‘za parvarishi yuzasidan tegishli
tavsiyalar berildi, mavjud muammolar ko‘rsatib o‘tildi va ularni bartaraf etish
bo‘yicha aniq muddatlar belgilab berildi.