Өзбекстан Президенти Шавкат Мирзиёев, Түркмен халқының миллий жетекшиси, Халық Мәсләҳәти Баслығы Гурбангули Бердимуҳамедов ҳәм Әзербайжан Бас министри Али Асадов арасында болып өткен үш тәреплеме ушырасыў регионаллық әҳмийетке ийе ўақыя сыпатында итибарды тартпақта.

Бул сөйлесиў тек ғана үш мәмлекет арасындағы сиясий, экономикалық ҳәм мәдений байланысларды буннан былай да беккемлеў емес, ал пүткил Орайлық Азия ҳәм Кавказ регионында турақлылық ҳәм раўажланыў жолында әҳмийетли қәдем болды. Ушырасыўда саўда-экономикалық бирге ислесиўди кеңейтиў, транспорт-логистика системасын раўажландырыў ҳәм енергетика тараўында қоспа жойбарларды әмелге асырыў мәселелери додаланды.

Бул ушырасыў мәмлекетлер арасындағы исеним, өз-ара ҳүрмет ҳәм дослыққа тийкарланған қатнасықлардың айқын үлгиси болып, келешекте және де терең интеграцияға жол ашады.

Халық депутатлары Мойнақ районлық Кеңеси депутаты У.Урынбаева