Bo‘ka tumani “Toshloq” mahallasida “Ma’naviyat karvoni” loyihasi doirasida navbatdagi targ‘ibot uchrashuvi tashkil etildi.

O‘zbekiston Respublikasi Prezidenti Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasi hamda “O‘zbekiston – 2030” strategiyasida belgilangan ustuvor vazifalarning mazmun-mohiyatini keng jamoatchilikka yetkazish, ushbu hujjatlarning ahamiyatini aholi orasida targ‘ib etish maqsadida o‘tkazildi.

“Toshloq” mahallasi idorasi faollar zalida bo‘lib o‘tgan ochiq muloqotda Bo‘ka tumani hokimining birinchi o‘rinbosari A.Turdibayev, hudud deputati J.Xamidov, mahalla faollari hamda nuroniylar faol ishtirok etdi.

 Uchrashuv jarayonida Murojaatnoma va “O‘zbekiston – 2030” strategiyasida belgilangan ustuvor yo‘nalishlar, amalga oshirilayotgan islohotlarning mazmuni hamda ularning aholi turmushidagi o‘rni va ahamiyati batafsil tushuntirib berildi.