Tuman hokimi Behzod Raxmatullayev rahbarligida aholining bandligini ta’minlash, kambag‘allikni qisqartirish hamda fuqarolarni tadbirkorlikka yo‘naltirish bo‘yicha amalga oshirilayotgan ishlar muhokamasiga bag‘ishlangan yig‘ilish bo‘lib o‘tdi.

Yig‘ilishda tuman kambag‘allikni qisqartirish va bandlikka ko‘maklashish bo‘limi tomonidan mahallalarda olib borilayotgan faoliyati, hokim yordamchilarining shu kungacha erishgan natijalari, shuningdek, tashkil etilgan mikroloyihalarning amaliyotga joriy etilishi yuzasidan monitoring natijalari ko‘rib chiqildi.

Shu bilan birga, har bir mahallaning ixtisosligidan kelib chiqib, aholining bandligini oshirishga qaratilgan yangi yo‘nalishlar bo‘yicha tegishli topshiriqlar berildi. Aholining kundalik turmush tarzini yaxshilash, mavjud imkoniyatlardan samarali foydalanish masalalari tanqidiy ruhda tahlil qilindi.

Yig‘ilish davomida mas’ullar tomonidan belgilangan vazifalarga loqaydlik bilan yondashish holatlari keskin tanqid qilinib, xususan, hokim yordamchilariga tadbirkorlikka qiziqishi bor fuqarolarni qo‘llab-quvvatlash, ularga zarur bilim va ko‘nikmalar berish bo‘yicha yanada faol ishlash topshirildi.

Shu maqsadda, fuqarolarni tadbirkorlik sir-asrorlari hamda bilim ko'nikmalarini oshirish maqsadida tumandagi ilg'or fermer xo'jaliklaridan biri bo'lgan "Akmal Toshpo‘latov" ko'p tarmoqli fermer xo‘jaligida maxsus o‘quv seminarlarini tashkil etish belgilandi.