Xalq deputatlari Bo‘ston tumani Kengashi deputati Buxalima Soliyeva Bog‘i eram mahalla fuqarolar yig‘ini hududidagi 9-umumta’lim maktabi bitiruvchi sinf o‘quvchilari hamda uyushmagan yoshlar uchun ijtimoiy-siyosiy bilimlarini yanada oshirish va huquqiy madaniyatini yuksaltirish maqsadida davra suhbatini tashkil etdi.

Deputat bilan yoshlarning jonli muloqoti davomida nafaqat savollarga javoblar olindi, balki takliflar va tashabbuslar ham olg‘a surildi. Tadbir davomida yoshlar o‘zlarini o‘ylantirayotgan muammo va kamchiliklar, takliflarini aytishib, deputatdan tegishlicha javoblar olishdi.