Samarqand viloyatida 2025/2026-yillar kuz-qish davrida barqaror ishlashga tayyorlash bo‘yicha amalga oshirilgan ishlar to‘g‘risida

Xalq deputatlari viloyat Kengashida viloyat hokimining o'rinbosari N.M.Raxmonovning hisoboti tinglandi. 

 O‘zbekiston Respublikasi Vazirlar Mahkamasining 21 iyuldagi 453-son qaroriga asosan 2025-2026 yillar kuz-qish davrida iqtisodiyot tarmoqlari, ijtimoiy va energetika sohasi ob’yektlari hamda ko‘p kvartirali uy-joy fondini barqaror ishlashga tayyorlash bo‘yicha barcha ko‘rsatkichlar belgilab berilgan.

Shunga asosan kuz-qish mavsumini betalofat o‘tkazish maqsadida viloyatda 155 ta ta (100 %) ko‘p kvartirali uylarda ta’mirlash ishlari olib borilgan.

Bunda, 60 ta (128 foiz) uylarning tom qismi, 401 ta (103 foiz) kirish yo‘laklari, 42 ta (140 foiz) uylarning yerto‘la va ichki muhandislik-kommunikatsiyalari, 64 ta (98 foiz) uylarning fasad qismi, 121 ta (107 foiz) elektr taqsimlovchi shitlarni ta’mirlanib, 155 ta (107 foiz) kodli temir eshiklar o‘rnatilgan.

Issiqlik ta’minotini yaxshilash bo‘yicha 6 ta (86 foiz) qozon va 300 metr (30 foiz) issiqlik tarmoqlari ta’mirlangan.

Ichimlik suv tarmoqlarining 14,8 km (100 foiz) qismi mukammal, 13,4 km (100 foiz) qismi joriy ta’mirlandi hamda nasos uskunalarining 37 tasi (100 foiz) mukammal va 58 tasi (100 foiz) joriy ta’mirdan chiqarilgan.

Elektr ta’minoti bo‘yicha 3 002 km (100 foiz) past kuchlanishli tarmoq va 1 207 ta (100 foiz) transformatorlar ta’mirlangan.

Gaz ta’minoti bo‘yicha 25 km (100 foiz) quvurlar va 52 ta (102 foiz) gaz taqsimlash punktlarida mukammal ta’mirlash va rekonstruksiya ishlari bajarildi, 6 272 ta (100 foiz) punktlarda taftish o‘tkazildi, 1 090 km (101 foiz) quvur bosim ostida sinaldi, 2 586 km (107 foiz) yer osti gaz quvurlarining holati tekshirilgan.

Byudjet tashkilotlari uchun 81 ming tonna (100 %) mahalliy ko‘mir mahsulotlari yetkazib berilgan.

Aholi xonadonlariga ham sentyabr oyi oxiridan ko‘mir tarqatishni boshlaganmiz. Bugungi kunga qadar 6,2 ming tonna (4 %) ko‘mir tarqatilgan.

Ijtimoiy soha ob’yektlarini mavsumga tayyorlash ishlari yuzasidan ham alohida nazorat o‘rnatilgan. Jumladan, bugunga qadar 263 ta maktab, 109 ta bog‘chada ta’mirlash ishlari olib borilgan. 

Shuningdek, qish mavsumida yuzaga kelishi mumkin bo‘lgan nosozliklarni tezkor bartaraf etish uchun yetarli materiallar zaxirasi yaratilgan. Jumladan, 20 dona har-xil quvvatdagi transformatorlar, 25,8 km elektr kabellari, 35,0 tonna transformator moyi;

712 metr gaz quvurlari, 100 dan ziyod zadjivka, kran, monometrlar, yetarlicha salnik, smazka, elektrood, karbid va boshqa materiallar;

5,4 km. ichimlik suv quvurlari, zadvijka, 10 dona yangi nasos uskunalari zaxirasi yaratildi hamda 1000 dan ziyod ishchi xodimlar, 110 ta maxsus texnikalardan iborat 200 dan ziyod avariya brigadalar shakllantirilgan. 

Yuqoridagi holatlar viloyatda iqtisodiyot tarmoqlari, ijtimoiy va energetika sohasi ob’yektlari hamda ko‘p kvartirali uy-joy fondini 2025/2026-yillar kuz-qish davrida barqaror ishlashini ta’minlaydi.

M.Po'latov

Xalq deputatlari viloyat Kengashining Mahalliy byudjet, tadbirkorlikni rivojlantirish va iqtisodiy islohotlar bo'yicha doimiy komissiya raisi

⚡️ @sam_vil_deputatlari