Пахтаобод туманида “Ёшлар ойлиги” доирасида фестивал ўтказилди. Фестивал ёшлар иштирокида кўтаринки руҳда ташкил этилди. Тадбир ёшларни соғлом турмуш тарзига чорлаш, уларнинг бўш вақтларини мазмунли ўтказиш ва спортга бўлган қизиқишини ошириш мақсадида ўтказилди. 

Фестивал доирасида футбол, волейбол, стол тенниси, шахмат-шашка, югуриш каби турли спорт турлари бўйича беллашувлар ташкил этилди. Ёш спортчилар мусобақаларда фаол қатнашиб, ўз маҳорат ва ғайратини намоён этдилар. 

Ўтказилган фестивалда халқ депутатлари туман Кенгаши депутати Усмонов Бурхониддин Нажмиддинович иштирок этди. Тадбир якунида фаол иштирок этган ёшлар, жамоалар ҳамда спорт мураббийлари туман ҳокимлиги, туман Кенгаши депутати ва ёшлар ишлари агентлиги томонидан фахрий ёрлиқлар ҳамда эсдалик совғалари билан тантанали тақдирланди. 

         Халқ депутатлари Пахтаобод туман Кенгаши котибияти.