Xalq deputatlari Oltinsoy tumani Kengashining 13-“Qorliq” saylov okrugidan saylangan deputat Mengnarova Zarifa Toshpo‘latovna tomonidan o‘z saylov okrugi hududida aholi murojaatlarini o‘rganish hamda saylovchilar bilan yuzma-yuz muloqot qilish tadbirlari o‘tkazildi.

Muloqotlar davomida Oliy Majlis Senati tomonidan taqdim etilgan 24 ta muhim tavsiya ijrosini ta’minlash, hududdagi ijtimoiy-iqtisodiy masalalar hamda fuqarolarni qiynayotgan muammolar atroflicha o‘rganildi.

🤝 Muloqot va o‘rganish jarayonida:

Mahalla idorasida fuqarolar va mahalliy faollar qabuli tashkil etilib, bildirilgan taklif hamda murojaatlar tinglandi.
Deputat bevosita xonadonlarga tashrif buyurib, aholi, xususan, xotin-qizlar va nuroniylar bilan samimiy suhbatlashdi hamda ularning yashash sharoiti va muammolarini o‘rgandi.

O‘rganishlar davomida ko‘tarilgan masalalar yuzasidan fuqarolarga huquqiy tushunchalar berildi, ijrosi vaqt va qo‘shimcha o‘rganish talab etadigan murojaatlar esa tegishli mutasaddi tashkilotlarga deputatlik so‘rovlari yuborish orqali hal etish uchun nazoratga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz