Xalq deputatlari Oltinsoy tumani Kengashi deputati Musurmon Abduraxmonovich Xujanov tomonidan tuman IIB JXX Yo‘l harakati xavfsizligi guruhi katta inspektori B.M.Ergashovga rasmiy deputat so‘rovi yuborildi.

🚘 Masalaning моhiyati: Oltinsoy tumanidagi Mirshodi mahallasini Sho‘rchi tumani bilan bog‘lovchi mahalliy ahamiyatga ega avtomobil yo‘lining Gulchechak mahallasi hududidan o‘tuvchi qismida kapital ta’mirlash ishlari bajarilib, yangi asfalt qoplamasi yotqizilgan. Biroq ushbu yo‘lda ayrim haydovchilar tomonidan belgilangan tezlik me’yorlariga rioya etmaslik holatlari kuzatilmoqda. Bu esa yo‘l bo‘yida joylashgan 59-sonli umumta’lim maktabi o‘quvchilari, yosh bolalar hamda mahalliy aholi hayoti va sog‘lig‘iga jiddiy xavf tug‘dirmoqda.

🛑 So‘rovda quyidagi amaliy choralarni ko‘rish so‘raldi:
Gulchechak mahallasidagi 59-sonli maktab oldidan o‘tuvchi yo‘l holatini mas’ul tashkilotlar iroksida joyiga chiqqan holda o‘rganish;

Transport vositalari tezligini pasaytirish uchun belgilangan normativlar asosida sun’iy notekisliklar (yotiq to‘siqlar) o‘rnatish masalasini ko‘rib chiqish;

O‘quvchilarning maktabga kelish-ketish vaqtida xavfsizligini ta’minlash maqsadida ko‘chma svetofor o‘rnatish yoki boshqa zarur texnik vositalarni joriy etish;

Yo‘l belgilari, piyodalar o‘tish joylari va tezlikni cheklash vositalarining mavjudligini ko‘zdan kechirib, aniqlangan kamchiliklarni bartaraf etish.

Ushbu deputatlik so‘rovining ijrosi yuzasidan qonunchilikda belgilangan tartibda va muddatda amaliy choralar ko‘rilishi hamda natijasi bo‘yicha axborot berilishi nazoratga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz