Yangi davr mahallasida jamoat xavfsizligini ta’minlash masalalari muhokama qilindi

Xalq deputatlari Sirdaryo viloyati Kengashi deputati N.Soatov hamda Xalq deputatlari Oqoltin tuman Kengashi deputati N.Turdiyevlar Yangi davr mahallasi raisi va mahalla profilaktika inspektori bilan uchrashib, hududdagi mavjud muammolar hamda jamoat xavfsizligini ta’minlash masalalarini muhokama qildilar.

Uchrashuv davomida mahalla profilaktika inspektori tomonidan hududga qo‘shimcha 4 dona kuzatuv kamerasini o‘rnatish hamda mavjud kuzatuv kameralarini profilaktika inspektori xonasiga ulash bo‘yicha takliflar bildirildi.

Mazkur takliflar mahallada jamoat tartibini mustahkamlash, huquqbuzarliklarning oldini olish va fuqarolar xavfsizligini ta’minlashda muhim ahamiyat kasb etadi.