Xalq deputatlari Zarbdor tuman Kengashi kotibiyati mudiri, 10-Mustaqillik saylov okrugidan saylangan deputat Gulzoda Xudoyarovaning mehnat ta’tilida ekanligi sababli uning topshirig‘iga asosan kotibiyat bosh mutaxassislari Sunatillo Begmatov hamda Husan To‘rayev tomonidan mahallada o‘rganish ishlari olib borildi.

O‘rganish davomida "Tinchlik" mahalla fuqarolar yig‘ini raisining aholi murojaatlari bilan ishlash, hududni obodonlashtirish va ko‘kalamzorlashtirish, sanitariya va ekologik holatni yaxshilash, ichki yo‘llar hamda infratuzilma obyektlarining holatini nazorat qilish borasidagi faoliyati tahlil qilindi.

Shuningdek, mahallada mavjud muammolar, fuqarolar tomonidan bildirilgan taklif va murojaatlar o‘rganilib, ularni hal etish yuzasidan tegishli tavsiyalar ishlab chiqildi. O‘rganish yakunlari bo‘yicha aniqlangan masalalarni mutasaddi tashkilotlar bilan hamkorlikda bartaraf etish choralarini ko‘rish belgilab olindi.