Xalq deputatlari Angor tuman Kengashining mahalliy budjet, tadbirkorlikni rivojlantirish hamda iqtisodiy islohotlar masalalari bo‘yicha doimiy komissiyasi navbatdagi yig‘ilishini o‘tkazdi. Yig‘ilish davomida Angor tumani Iqtisodiyot va moliya bo‘limi boshlig‘ining o‘rinbosari Kuchkarov Sanjar Baxtiyorovich tomonidan hududda amalga oshirilayotgan iqtisodiy islohotlar, mahalliy budjet ijrosi, tadbirkorlikni qo‘llab-quvvatlash hamda investitsiya loyihalari bo‘yicha amalga oshirilgan ishlar yuzasidan hisobot taqdim etildi. Komissiya a’zolari tomonidan hisobot atroflicha muhokama qilinib, mavjud muammolar va ularni bartaraf etish yuzasidan taklif va tavsiyalar bildirildi. Yig‘ilish yakunida kun tartibidagi masalalar yuzasidan tegishli qarorlar qabul qilish uchun sessiya muhokamasiga kiritildi.