Yigʻilishda quyidagi masalalarga eʼtibor qaratildi.

Mahalliy budjet daromadlari bajarilishi holati, qo‘shimcha rezervlarni aniqlash bo‘yicha amalga oshirilgan ishlar;

Soliqlar va boshqa majburiy to‘lovlar kesimida budjetga hisoblangan hamda amalda to‘langan mablag‘lar, mavjud soliq qarzdorligi yuzasidan tuman davlat soliq inspeksiyasi boshlig‘i S. Axmedovning hisoboti; 

Bog‘ot tumani iqtisodiyot va moliya bo‘limi boshlig‘i birinchi o‘rinbosari F. Yo‘ldoshovning tuman mahalliy budjetining 2026-yil I chorak ijrosi yuzasidan hisoboti;

 2026-yil I choragida shakllangan qo‘shimcha manbalar hisobidan O‘zbekiston Respublikasi Prezidentining 2021-yil 13-apreldagi PQ-5072-son qaroriga muvofiq, jamoatchilik fikri asosida shakllantiriladigan tadbirlarni moliyalashtirish uchun mablag‘ ajratish masalasi; 

Shuningdek, qo‘shimcha manbalar hisobidan mahalliy budjetdan mablag‘ ajratish yuzasidan takliflar muhokama qilindi.

Yig‘ilish davomida hudud iqtisodiy barqarorligini ta’minlash, budjet daromadlarini oshirish, qo‘shimcha manbalardan samarali foydalanish hamda aholi manfaatlariga xizmat qiluvchi loyihalarni qo‘llab-quvvatlash masalalariga alohida e’tibor qaratildi.