📊 Uchquduq tumanida dehqon bozoridagi narx-navolar atroflicha o‘rganildi

Xalq deputatlari Uchquduq tumani Kengashi kotibiyati mudiri M.Kamolova tomonidan tumandagi dehqon bozorida aholi iste’moli uchun eng zarur bo‘lgan oziq-ovqat mahsulotlari narx-navosi, ularning yetarliligi hamda savdo jarayonlarining tashkil etilish holati joyiga chiqib o‘rganildi.

O‘rganish jarayonida bozorda sotilayotgan un, o‘simlik yog‘i, go‘sht, sut mahsulotlari, sabzavot va poliz ekinlari kabi kundalik ehtiyoj mahsulotlari narxlari atroflicha tahlil qilinib, ularning aholiga maqbulligi, barqarorligi va sun’iy oshirilish holatlarining oldini olish masalalariga alohida e’tibor qaratildi.

Shuningdek, mahsulotlar zaxirasining yetarliligi, savdo rastalarining tartibli joylashtirilgani, sanitariya-gigiyena talablariga rioya etilishi, tarozi va o‘lchov vositalarining to‘g‘ri ishlatilishi ham sinchiklab ko‘zdan kechirildi.

📌 O‘rganish natijalariga ko‘ra, bozorda asosiy turdagi oziq-ovqat mahsulotlari yetarli miqdorda mavjudligi, narxlar barqaror saqlanayotgani qayd etildi. Shu bilan birga, ayrim yo‘nalishlarda savdo madaniyatini yanada oshirish, narxlarning asossiz oshirilishiga yo‘l qo‘ymaslik yuzasidan mas’ullarga aniq tavsiyalar berildi.

🤝 Mazkur yo‘nalishdagi nazorat tadbirlari deputatlar tomonidan izchil davom ettirilib, aholining oziq-ovqat xavfsizligini ta’minlash hamda bozorlarda sog‘lom raqobat muhitini shakllantirishga alohida e’tibor qaratilmoqda.