️ Халық депутатлары Шымбай районлық Кеңесиндеги ӨзЛиДеП депутатлық топары ағзасы Қ.Турымбетов «Бердах» МПЖ аймағынан ағып өтиўши «Тағжап» каналында алып барылып атырған қурылыс жумысларын үйренди.

 Бул канал көплеген шаңарақлардың дийқаншылық ҳәм қыйтақ жер хожалығы ушын турмыслық әҳмиетке ийе болып, ўақыттың өтиўи менен каналдың ылайланыўы ҳәм жағаларының жемирилиўи нәтийжесинде суў өткериў қәбилети төменлеп, халық арасында суў бөлистириўде қыйыншылықлар жүзеге келип атырған еди. Усы мүнасибет пенен Өзбекстан Республикасы Прзедентиниң 2025-жыл 27-декабрь күнги «2026 - 2028-жылларда Өзбекстан Республикасының социаллық ҳәм өндирислик инфраструктурасын раўажландырыў илажлары ҳаққында»ғы ПҚ-393-санлы қарары тийкар, «Тағжап» каналының жәми 13,3 км аралығына бетонлаў жумысларын алып барыў белгиленген болып, бүгинги күнде 6 км аралыққа бетонлаў жумыслары алып барылды.

 Илаж жуўмағында анықланған айырым кемшиликлерди сапластырыў бойынша жуўапкерлерге тийисли усыныслар берилип, депутат тәрепинен қадағалаўға алынды.