Xalq deputatlari Muzrabot tumani Kengashiga 16-Sho‘rob saylov okrugidan saylangan deputat Jumayeva Svetlana va tuman Kengashi kotibiyati bosh mutaxassisi B.Xoliqovlar tumandagi “Buyuk ipak yo‘li” mahallasiga borib, O‘zbekiston Respublikasi Vazirlar Mahkamasining 2024-yil 11-oktyabrdagi 665-son Qaroriga asosan 2025-2026-yillarda ichki yoʻllarni qurish, rekonstruksiya qilish va taʼmirlash ishlariga ajratiladigan mablagʻlar parametrlari bo‘yicha amalga oshirilayotgan ishlar yuzasidan mahallada o‘rganish olib bordilar.

VMning 665-sonli Qarori asosida mahalladagi Gulxovuz-3 ko‘chasining 1 km masofasini asfaltlashtirish rejalashtirilgan.

O‘rganish davomida tuman Obodonlashtirish boshqarmasi tomonidan Gulxovuz-3 ko‘chasida amalga oshirilayotgan asfaltlashtirish jarayonlari bilan tanishildi.

Reja bo‘yicha jami 1 km ichki yo‘llarning oxirgi masofalariga tosh-shag‘al aralashmasi to‘kib tekislanib, asfalt qoplamani yotqishning yakuniy ishlari bajarilmoqda.

Mazkur jarayonlar xalq deputatlari Muzrabot tumani Kengashi deputatlari tomonidan doimiy nazoratga olinib, bajarilayotgan ishlarning sifati joyida o‘rganib borilayapdi.