🔔 Xalq deputatlari Boysun tumani Kengashining navbatdagi 13-sessiyasi boʻlib oʻtdi

Sessiya kun tartibida 8 ta masala koʻrib chiqildi.

▪️ Boysun tumani mahalliy byudjetining 2025-yil II chorak ijrosi to‘g‘risida

▪️Boysun tumani byudjetining 2025-yil II chorak yakuniga ko‘ra daromadlar rejasining oshirib bajarilgan qismi hisobidan mablag‘ ajratish to‘g‘risida

▪️Xalq deputatlari Boysun tuman Kengashining 2024-yil 27-dekabrdagi "Boysun tumanining 2025 yilgi mahalliy byudjetini tasdiqlash to‘g‘risida"gi VI-2-014-8-110-K/24-sonli qaroriga o‘zgartishlar kiritish to‘g‘risida

▪️O‘zbekiston Respublikasi Prezidentining 2025-yil 1-apreldagi "Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida"gi PQ-133-sonli qarorining tumandagi ijrosi to‘g‘risida

▪️Tumandagi ayrim ko‘chalarning nomlarini tasdiqlash to‘g‘risida

▪️O‘zbekiston Respublikasi Prezidentining 2023-yil 31-maydagi "Ekologiya va atrof-muhitni muhofaza qilish sohasini transformatsiya qilish va vakolatli davlat organi faoliyatini tashkil etish chora-tadbirlari to‘g‘risida" PF-81-sonli Farmonining 11.6 bandiga asosan "master-reja"sini tasdiqlash to‘g‘risida

▪️"Boysun tumani hokimining 2025-yil 12-avgustdagi Normo‘minov Shuhrat Ashurovichni Boysun tumani hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari lavozimidan ozod etish to‘g‘risida"gi 172-8-110-Q/25-sonli qarorini tasdiqlash to‘g‘risida

▪️Boysun tumani prokuraturasining 2025-yil 20-avgustdagi deputatni jinoiy javobgarlikka tortish va daxlsizlik huquqidan mahrum qilishga rozilik olish to‘g‘risidagi 222043/2025-14DU-sonli taqdimnomasini ko‘rib chiqish to‘g‘risida.

Kun tartibiga qo‘yilgan masalalar muhokama etilib, ko‘rilgan masalalar yuzasidan deputatlar tomonidan taklif va mulohazalar eshitildi hamda qarorlar qabul qilindi.