Shundan so‘ng, Qoraqalpog‘iston Respublikasi Jo‘qorg‘i Kengesidagi partiya fraksiyasi a’zolari Zavra Abdullayeva, Sayat Gishgeldieva, Xalq
deputatlari To‘rtko‘l tuman Kengashi deputatlari R.Abdullaev va S.Ismailovalar so‘zga chiqib, yoshlarga siyosiy bilimi, intellektual qobiliyati va
ko‘nikmalarini oshirish hamda siyosiy jarayonlarda faol bo‘lishini ta’kidlab, barcha ishtirokchilarga muvaffaqiyatlar tiladi. 

Tanlovda ishtirokchilar 2 shartda o‘z bilimlarini sinovdan o‘tkazdi. 

“Tezkor savol-javob” deb nomlangan birinchi shartda ishtirokchilar tez va aniq javob berish orqali davlat boshqaruvi va siyosiy jarayonlarga oid tuzilgan savollarga javob berib, o‘zlarining bilim va tez fikrlash qobiliyatlarini namoyish etdi. 

“Mulohaza va mantiqiy tahlil” deb nomlangan ikkinchi shartda har bir jamoa sardori hakamlar hay’ati tomonidan tayyorlangan savolni tanlab oladi va jamoasi bilan birgalikda javob berish bo‘yicha o‘zaro bellashadi. Yuqori darajada o‘tkazilgan intellektual turnir yakunlariga ko‘ra g‘oliblar aniqlanib, “Feniks” jamoasi birinchi o‘rinni, “Iqtisodchi” jamoasi ikkinchi o‘rinni, “Karvon” jamoasi uchinchi o‘rinni qo‘lga kiritdi.