#Haftalik_ish_reja_ijrosi #deputat_okrugida #24_ta_tavsiya #deputat_faoliyati #nazorat_tahlil #deputat_okrugida

24 ta tavsiya asosida o‘rganish ishlari olib borildi

Xalq deputatlari tuman Kengashiga 15-Zarkamar saylov okrugidan saylangan deputat A. Xolmo‘minov o‘z saylov okrugidagi “Kunchiqish” mahallasida “Mahalliy Kengash deputati faoliyatining eng muhim yo‘nalishlari bo‘yicha 24 ta tavsiya”ning 10-yo‘nalishi yuzasidan o‘rganish ishlarini olib bordi.

O‘rganish davomida mahalla hududidagi do‘konlar va savdo rastalarida aholi kundalik iste’moli uchun eng zarur bo‘lgan oziq-ovqat hamda boshqa mahsulotlarning narx-navosi, mahsulotlar zaxirasi va yetarliligi ko‘zdan kechirildi.

Shuningdek, mahsulotlar narxlarining barqarorligi, aholiga sifatli va zarur mahsulotlarni uzluksiz yetkazib berish holati hamda savdo shoxobchalarida iste’molchilar uchun yaratilgan sharoitlarga e’tibor qaratildi.

O‘rganish jarayonida savdo faoliyati bilan shug‘ullanuvchi tadbirkorlar bilan suhbatlashilib, aholini zarur mahsulotlar bilan ta’minlash, narxlar barqarorligini saqlash va iste’molchilar manfaatlarini himoya qilish yuzasidan tegishli tavsiya hamda takliflar bildirildi.

Deputat A. Xolmo‘minov tomonidan ushbu yo‘nalishdagi o‘rganish ishlari aholi turmush farovonligini oshirish, iste’mol bozori holatini doimiy nazorat qilish va fuqarolarni zarur mahsulotlar bilan ta’minlashga ko‘maklashishga qaratilgan.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram