1-BAND IJROSI: YOSHLAR BILAN ISHLASH — MUHIM YO‘NALISH
🏛 Xalq deputatlari Pastdarg‘om tumani Kengashi deputati M. Pardayev tomonidan deputatlik faoliyatining muhim yo‘nalishlari bo‘yicha Tavsiyalarning 1-bandi ijrosini ta’minlash maqsadida Go‘zalkent mahallasida yoshlar bilan ishlash holati o‘rganildi.
🤝 O‘rganish davomida deputat mahalla yoshlar yetakchisi N. Turimovning ish faoliyati bilan tanishib, bugungi kunda yoshlarga yaratilayotgan imkoniyatlardan mahalla yoshlari qay darajada foydalanayotgani, ularning bandligini ta’minlash borasida amalga oshirilayotgan ishlar hamda mavjud muammolarni o‘rgandi.
🔎 Shuningdek, yoshlarni kasb-hunarga yo‘naltirish, ularning bandligini ta’minlash, tadbirkorlik tashabbuslarini qo‘llab-quvvatlash va bo‘sh vaqtlarini mazmunli tashkil etish masalalariga e’tibor qaratildi.
✅ Deputat tomonidan yoshlar bilan ishlash samaradorligini oshirish, ularning muammolarini o‘z vaqtida aniqlash va mavjud imkoniyatlardan samarali foydalanish yuzasidan hamkorlikni kuchaytirish muhimligi ta’kidlandi.🇺🇿Rasmiy sahifalarimiz! ✔️