#Qonun_ijrosi #162_ta_eng_muhim_qonun, #Deputatlik_nazorati #19_1_Modda_ijrosi
#Hamkorlik_faoliyati #24_ta_tavsiyaviy_savol

“Kamolot” mahallasida bolalar sport maydonchalarining qurilish ishlari bilan tanishildi

Xalq deputatlari Mirzo Ulug‘bek tumani Kengashi deputati, O‘zXDP a’zosi Kim Vitaliy Gennadevich “Kamolot” mahallasida bolalar uchun sport maydonchalarini qurish va obodonlashtirish ishlari bilan tanishdi.

O‘rganish davomida sport maydonchalarining qurilish jarayoni, amalga oshirilayotgan ishlarning sifati, bolalar uchun yaratilayotgan shart-sharoitlar hamda hududning zamonaviy talablarga muvofiqligi ko‘zdan kechirildi.

Shuningdek, bolalarning bo‘sh vaqtlarini mazmunli tashkil etish, ularni sport bilan muntazam shug‘ullanishga jalb qilish, sog‘lom turmush tarzini keng targ‘ib etish va yosh avlod uchun xavfsiz sport muhitini yaratish masalalariga alohida e’tibor qaratildi va deputat qurilish ishlarining sifatli va belgilangan muddatlarda yakunlanishi, sport maydonchalarida bolalar xavfsizligini ta’minlash hamda hududni obodonlashtirish muhimligi ta’kidladi.