Xalq deputatlari Zomin tuman Kengashi raisi D.Begmatova hamda Kengash Kotibiyati mudiri M.Goibnazarovlar tomonidan 60-umumiy o‘rta ta’lim maktabida yoshlarning yozgi ta’til davrini mazmunli va samarali tashkil etishga qaratilgan “Dolzarb 90 kun” dasturi doirasida amalga oshirilayotgan tadbirlar joyiga chiqqan holda o‘rganildi.

O‘rganish davomida maktabda tashkil etilgan fan, sport, ijodiy va kasb-hunarga yo‘naltirilgan to‘garaklar, ma’naviy-ma’rifiy tadbirlar hamda yoshlarning bo‘sh vaqtini mazmunli tashkil etishga qaratilgan mashg‘ulotlarning borishi bilan tanishildi.

Shuningdek, o‘quvchilarni ushbu tadbirlarga keng jalb etish, mashg‘ulotlar sifati, yaratilgan shart-sharoitlar va mavjud imkoniyatlardan samarali foydalanish holati ko‘zdan kechirildi.
O‘rganish yakunlari bo‘yicha tadbirlar samaradorligini yanada oshirish, yoshlarning qamrovini kengaytirish, ularning qiziqish va iste’dodidan kelib chiqib mashg‘ulotlarni tashkil etish, mavjud imkoniyatlardan to‘liq foydalanish yuzasidan mas’ullarga tegishli tavsiya va takliflar bildirildi.