📌 Xotin-qizlar muammolarini tizimli o‘rganish va ularni qo‘llab-quvvatlash – ustuvor vazifa

O‘zbekiston Respublikasi Vazirlar Mahkamasining 2022-yil 31-martdagi 145-son qarori bilan xotin-qizlarning muammolarini tizimli o‘rganish, ularni har tomonlama qo‘llab-quvvatlash hamda murojaatlariga tezkor va samarali yechim topish mexanizmlarini yanada takomillashtirish chora-tadbirlari belgilangan.

📋 Mazkur qarorga muvofiq quyidagi ustuvor yo‘nalishlar belgilangan:

🔹 xotin-qizlarning ijtimoiy, iqtisodiy va huquqiy muammolarini manzilli o‘rganish;

🔹 og‘ir ijtimoiy ahvolga tushib qolgan xotin-qizlarni har tomonlama qo‘llab-quvvatlash;

🔹 ularning bandligini ta’minlash, kasb-hunarga o‘qitish hamda tadbirkorlikka jalb etish;

🔹 uy-joy, sog‘liqni saqlash, ta’lim va boshqa dolzarb masalalarda amaliy yordam ko‘rsatish;

🔹 hududlarda xotin-qizlar bilan ishlash tizimini samarali tashkil etish va murojaatlarni o‘z vaqtida hal etish.

🤝 Xotin-qizlarning huquq va qonuniy manfaatlarini ta’minlash, ularning ijtimoiy faolligini oshirish, bandligini qo‘llab-quvvatlash hamda munosib turmush sharoitlarini yaratish davlat siyosatining ustuvor yo‘nalishlaridan biri hisoblanadi.

📍 Xotin-qizlar muammolarini o‘z vaqtida aniqlash, ularni manzilli o‘rganish va amaliy yordam ko‘rsatish oilalar farovonligini mustahkamlash hamda jamiyat taraqqiyotini ta’minlashda muhim ahamiyat kasb etadi.