Xalq deputatlari tuman Kengashi deputati A. Ahmedov tomonidan O‘zbekiston Respublikasining 2019-yil 11-martdagi 528-sonli “Fuqarolarning reproduktiv salomatligini saqlash to‘g‘risida”gi Qonuni ijrosini ta’minlash yuzasidan tuman “Ko‘p tarmoqli markaziy poliklinika”da tibbiyot xodimlari ishtirokida davra suhbati o‘tkazildi.

Tadbir davomida mazkur qonun talablarini amaliyotga joriy etish, sohada mavjud vazifalar hamda ularni amalga oshirish bo‘yicha ko‘riladigan chora-tadbirlar muhokama qilindi.

Shuningdek, poliklinika mutaxassislari tomonidan 3–18 yoshdagi bolalar o‘rtasida olib borilayotgan gematoonkologik skrining natijalari yuzasidan ma’lumot berildi. Jumladan, 3300 nafar bola skriningdan o‘tkazilgan bo‘lib, bu umumiy rejaning (8952 nafar) 37,2 foizini tashkil etadi. O‘rganishlar davomida 3 nafar bemor aniqlangan.

Mazkur skrining jarayonlari tumandagi Sarimoy, Tuproqqal’a, Oxunboboyev, Shayxlar oilaviy shifokorlik punktlari hamda ko‘p tarmoqli markaziy poliklinikaning Sayopir filialida ham davom etmoqda.

Davra suhbati davomida deputat tomonidan qonun ijrosini ta’minlashda yuzaga kelayotgan ayrim muammolarni bartaraf etish yuzasidan amaliy taklif va tavsiyalar bildirildi. Ishtirokchilar tomonidan berilgan savollarga mutaxassislar tomonidan atroflicha javob qaytarildi.