Tuman deputati E.Erkaboyev tashabbusi bilan Boyovut tumani ixtisoslashtirilgan maktabida o‘quvchi-yoshlarning huquqiy savodxonligini oshirish hamda ularning taklif va tashabbuslarini qo‘llab-quvvatlash maqsadida “Rahbar va yoshlar” uchrashuvi tashkil etildi.

Tadbirga Boyovut tumani adliya bo‘limi xodimlari taklif etilib, ochiq va samimiy ruhda muloqot olib borildi.

Uchrashuv davomida adliya sohasidagi so‘nggi islohotlar, amaldagi qonunchilikdagi o‘zgarishlar, davlatimiz tomonidan yoshlarga ta’lim va ijtimoiy himoya yo‘nalishida yaratilayotgan imkoniyat va imtiyozlar haqida atroflicha ma’lumot berildi. Shuningdek, “Korrupsiya – taraqqiyot kushandasi” mavzusida ham mazmunli suhbat tashkil etildi.

Tadbir davomida yoshlar o‘zlarini qiziqtirgan savollar bilan mutaxassislarga murojaat qilib, ularga batafsil va asosli javoblar oldilar.

Mazkur uchrashuv yoshlar uchun nafaqat muhim bilim manbai, balki ularning huquqiy madaniyatini yuksaltirish, fuqarolik pozitsiyasini mustahkamlashda muhim ahamiyat kasb etdi. Bunday tadbirlar yoshlarni vatanparvarlik ruhida tarbiyalash hamda ularning ijtimoiy faolligini oshirishga xizmat qiladi.