Tumanda “Yoshlar ovozi — Bo‘zatov Fest 2026” tanlovi o‘tkazildi.

️ Xalq deputatlari Sariosiyo tuman Kengashi huzuridagi “Yoshlar maslahat guruhi” rahbari D.Sattorov boshchiligida tumanda “Yoshlar ovozi — Bo‘zatov Fest 2026” tanlovi o‘tkazildi.

️ Mamlakatimizda yoshlarning ijodiy salohiyatini yuzaga chiqarish, ularning san’at va madaniyatga bo‘lgan qiziqishini yanada oshirish maqsadida “Yoshlar ovozi — Bo‘zatov Fest 2026” respublika tanloviga keng ko‘lamda start berildi. Ushbu nufuzli tanlov yurtimizning turli hududlaridan minglab iste’dodli yoshlarni bir sahnada jamlab, ularning iqtidorini namoyon etish uchun muhim maydon vazifasini o‘tamoqda.

Sariosiyo tuman Madaniyat markazida yoshlar o‘rtasida tuman bosqichi bo‘lib o‘tdi. Mazkur bosqichda tumanning turli hududlaridan tashrif buyurgan iqtidorli yoshlar o‘zlarining vokal, ijro mahorati, sahna madaniyati hamda san’atga bo‘lgan mehrini namoyish etdilar.

Tadbir davomida ishtirokchilarning chiqishlari hakamlar hay’ati tomonidan adolatli baholanib, eng munosib nomzodlar keyingi — hududiy bosqichga yo‘llanma oldi. Tanlov nafaqat yoshlarning iste’dodini yuzaga chiqarish, balki ularni qo‘llab-quvvatlash, ruhlantirish va kelgusida katta sahnalarga olib chiqishda muhim ahamiyat kasb etmoqda.

“Yoshlar ovozi — Bo‘zatov Fest 2026” tanlovi orqali yurtimizda yangi-yangi iste’dod egalari kashf etilishi, milliy san’atimiz rivojiga munosib hissa qo‘shadigan yoshlar safi kengayishi kutilmoqda.