Dasturlar ijrosi deputat nazoratida

📌 O‘zbekiston Respublikasi Prezidentining 2025-yil 27-dekabrda qabul qilingan “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-sonli qarorining tumandagi ijrosi yuzasidan amaliy o‘rganish ishlari olib borildi.

Paxtachi tumani Kengashi 17-Tadbirkor saylov okrugidan saylangan deputat Boliyev Shuxrat Aliqulovich mazkur qaror asosida amalga oshirilayotgan qurilish ishlari bilan yaqindan tanishdi. 

Jumladan, 29-umumiy o‘rta ta’lim maktabida davlat dasturi doirasida barpo etilayotgan 240 o‘rinli, ikki qavatli, zamonaviy hamda inklyuziv ta’lim sharoitlariga ega qo‘shimcha bino qurilishi jarayoni o‘rganildi.

O‘rganish davomida qurilish ishlarining sifati, belgilangan muddatlarga muvofiqligi hamda yaratilayotgan sharoitlar alohida e’tiborga olinib, mas’ullarga tegishli tavsiyalar berildi.