"Erta turmush va uning salbiy oqibatlari"

#Davra_suhbati

🗣 Bugun ta’lim muassasamizda Qiziltepa tuman Kengashi deputati Muqimova Madina Murodilloyevna bilan "Erta turmush va uning salbiy oqibatlari" mavzusida navbatdagi davra suhbati bo‘lib o‘tdi. Unda maktabning yuqori sinf o‘quvchi qizlari ishtirok etishdi. Tadbirda soha mutaxassislari tomonidan erta nikohning salbiy oqibatlari, yoshlar salomatligi, ta’lim-tarbiya va oilaviy hayotga tayyorgarlik haqida keng ma’lumotlar berildi.

👩‍🏫 Suhbat davomida o‘quvchilarning qiziqtirgan savollariga atroflicha javoblar berildi. Ushbu tadbir qizlarimizga hayotiy muhim tanlovlarda to‘g‘ri yo‘l tanlashda foydali bo‘ldi.

📚 Bunday ma’rifiy uchrashuvlar yosh avlod ongida sog‘lom turmush tarzi, to‘g‘ri qaror qabul qilish va mustaqil hayotga puxta tayyorgarlik g‘oyalarini shakllantirishga xizmat qiladi.