Халық депутатлары Шымбай районлық Кеңесиндеги Өзбекстан ХДП депутатлық ағзасы Х.Абдижалиев райондағы бир қатар исбилерменлер менен биргеликте «Шахтемир» МПЖ аймағында жайласқан «Азиза» тойханасында қайырқомлық илажи өткерилди.

Илажда район ҳәкиминиң орынбасарлары А.Утемисов ҳәм Г.Мамбетниязовалар, Халық депутатлары Шымбай районлық Кеңеси секретариаты баслығы М.Зарикеев ҳәм де район белсендилери қатнасты. 

Өзбекстан Республикасы Ғәрезсизлигиниң 34 жыллық байрамы мүнәсибети менен район аймағындағы майыплылығы болған, жалғыз баслы ҳәм де ата-ана қарамағынан айырылған социаллық қорғаўға мүтәж болған пуқараларды ҳәр тәреплеме қоллап-қуўатлаў, олардың ҳал жағдайларынан хабар алыў мақсетинде “Инсан қәдири ушын” деген бас идеяны басшылыққа алып, 60 пуқараға дастурҳан жайылды ҳәм байрам бағдарламасы шөлкемлестирилди.

Илаж қатнасыўшылары өзлериниң ақ пәтияларын берип, бул абад ҳәм азат ўатанда жасап атырғанлығына шексиз миннетдаршылықларын билдирип, бир кеса шай үстинде пикир алмастылар.

Илаж қатнасыўшыларына районлық Мәденият бөлими хызметкерлери тәрепинен концерт бағдарламасы қойып берилип, оларға өзгеше заўық бағышлады.