Tuman Kengashi ish rejasiga muvofiq, deputatlar o‘z saylov okruglarida joylashgan maktabgacha ta’lim tashkilotlari hamda ta’lim muassasalarida olib borilayotgan qurilish va ta'mirlash jarayonlarini joyiga chiqqan holda o‘rganmoqda.

📍 Xususan, tuman Kengashi deputati Jumavoy Rahmonqulov "Navbahor" mahallasida joylashgan 49-maktabda olib borilayotgan qurilish-ta’mirlash ishlarini ko‘zdan kechirdi.

➡️ Ko‘rik davomida amalga oshirilayotgan ishlarning sifati, qurilish materiallaridan foydalanish holati, belgilangan muddatlarga amal qilinishi va xavfsizlik talablari alohida e’tiborda bo‘ldi.

➡️Deputat mazkur jarayonlarni doimiy nazoratga olish, sifatli ta’mirlash ishlarini ta’minlash hamda o‘quvchilarga munosib sharoitlar yaratish bo‘yicha tegishli tavsiyalarni berdi.