SHIFOKOR MAHALLASIDA ASFALTLASH ISHLARI KO‘ZDAN KECHIRILDI
Xalq deputatlari Uychi tuman Kengashi kotibiyat mudiri, 8-Muborak saylov okrugi deputati N.Dedaxanova, 9-Oqtosh saylov okrugi deputati D.Jo‘rayevlar tomonidan Shifokor mahallasida amalga oshirilayotgan asfaltlash ishlarining borishi bilan tanishildi.

O‘rganish davomida hududda yo‘llarni obodonlashtirish, mavjud yo‘l qoplamasini yaxshilash hamda aholi uchun qulay va xavfsiz harakatlanish sharoitini yaratish maqsadida olib borilayotgan ishlar ko‘zdan kechirildi.

Shuningdek, asfaltlash jarayonining belgilangan talablar asosida, sifatli va puxta amalga oshirilishiga alohida e’tibor qaratildi. Aholi uchun noqulayliklarni kamaytirish va ishlarni belgilangan muddatlarda yakunlash yuzasidan mas’ullarga tegishli tavsiyalar berildi.

Mazkur obodonlashtirish ishlari mahalla infratuzilmasini yanada yaxshilash, ko‘chalar qiyofasini obod qilish hamda fuqarolarga munosib sharoit yaratishga xizmat qiladi.