Xalq deputatlari Uchquduq tuman Kengashi kotibiyati bosh mutaxassisi M.Muhammadiyev tomonidan 19-Gulshan saylov okrugida “Yashil makon” umummilliy loyihasi doirasida tashkil etilgan bog‘ning bugungi holati o‘rganildi.

O‘rganishdan ko‘zlangan asosiy maqsad hududda amalga oshirilgan ko‘kalamzorlashtirish ishlarining holatini baholash, ekilgan daraxtlarning parvarishlanishi, ularning o‘sib-rivojlanishi hamda bog‘ hududining obodonlashtirilganlik darajasini ko‘zdan kechirishdan iborat.

Jarayon davomida bog‘ hududidagi yashil maydonlarning holati, daraxtlarni sug‘orish va parvarishlash ishlari, shuningdek, hududni ozoda saqlash masalalariga alohida e’tibor qaratildi. Zero, ko‘chat ekish bilan bir qatorda, ularni muntazam parvarishlash, o‘z vaqtida sug‘orish va qurib qolishining oldini olish ham muhim ahamiyatga ega.

Deputatlik nazorati doirasidagi bunday o‘rganishlar hududlarda amalga oshirilayotgan ishlar holatini kuzatib borish, mavjud muammolarni aniqlash va ularni bartaraf etishga ko‘maklashishga xizmat qiladi.