Tuman Kengashi deputati Ummatov Dilmurod tomonidan Pastki So‘loqli mahallasida mahalla yettiligi bilan hamkorlikda aholi muammolarini o‘rganish va ularni hal etish yuzasidan amaliy ishlar olib borilmoqda.
O‘rganishlar davomida mahalla hududida istiqomat qilayotgan fuqarolarning murojaatlari, ularni qiynab kelayotgan ijtimoiy, oilaviy va maishiy masalalar atroflicha o‘rganilib, mavjud muammolarga amaliy yechim topishga alohida e’tibor qaratilmoqda.
Xususan, yosh oilalarni qo‘llab-quvvatlash, ularning turli masalalar yuzasidan murojatlarini tinglash, zarur hollarda tegishli tashkilotlar va mutasaddilar bilan hamkorlikda muammolarni ijobiy hal etish bo‘yicha choralar ko‘rilmoqda.
Har bir murojaatni joyiga chiqib o‘rganish, muammoning sabablarini aniqlash va uni bartaraf etish bo‘yicha aniq vazifalarni belgilab olish deputat va mahalla yettiligining o‘zaro hamkorligidagi muhim yo‘nalishlardan biri sifatida davom ettirilmoqda.