Kambag‘allikdan farovonlik sari: Bandixonda 39 xonadonga amaliy ko‘mak

Bandixon tumanida aholini kambag‘allikdan chiqarish, bandligini ta’minlash va oilalar daromadini oshirishga qaratilgan amaliy ishlar izchil davom ettirilmoqda.

Xalq deputatlari Bandixon tumani Kengashi deputati, tuman hokimi Abdumalik Allamuradov boshchiligida ijtimoiy reyestrda turuvchi 39 nafar fuqaroga subsidiya asosida sug‘orish nasoslari topshirildi.

Mazkur yordamdan asosiy maqsad — suv ta’minoti mavjud bo‘lmagan aholi tomorqalariga suv chiqarish, yerga ekin ekish imkoniyatini yaratish va shu orqali oilalarning qo‘shimcha daromad manbasini shakllantirish.

Zero, tomorqa — nafaqat yer, balki oila farovonligini oshirish uchun katta imkoniyat. Bugun yaratilayotgan sharoit ertaga daromad, bandlik va farovon hayotga xizmat qiladi.

Bandixonda har bir xonadon daromadini oshirish, oilalarni kambag‘allikdan chiqarish yo‘lida amaliy ishlar davom etmoqda.