Депутат ёшлар билан мулоқот қилиб, уларнинг таклиф ва ташаббусларини тинглади
Халқ депутатлари Янгиқўрғон тумани Кенгаши депутати, туман ҳокими Асадулла Нажмиддинов 27-сонли мактабда ёшлар учун яратилган шарт-шароитлар ҳамда таълим-тарбия жараёнида амалга оширилаётган ишлар билан танишди.
Тадбирлар ёшларни қўллаб-қувватлаш, уларнинг бўш вақтини мазмунли ташкил этиш, билим олишга қизиқишини ошириш ҳамда иқтидорини намоён этишига кўмаклашишга қаратилди.
Шунингдек, умумтаълим мактабларининг 7–11-синф ўқувчилари ўртасида «Заковат» интеллектуал ўйини бўйича мусобақа ташкил этилди. Ўқувчилар ўз билимлари, мантиқий фикрлаш қобилияти ва жамоада ишлаш кўникмаларини синовдан ўтказдилар.
Ташкилот ва муассаса раҳбарлари ҳамда уларга бириктирилган ёшлар иштирокида индивидуал учрашувлар ҳам ўтказилди. Мулоқотлар давомида ёшларнинг мурожаатлари, таклиф ва ташаббуслари тингланиб, уларни қизиқтираётган масалалар муҳокама қилинди.
Ёшларнинг бандлигини таъминлаш, ташаббусларини қўллаб-қувватлаш ҳамда мурожаатларида кўтарилган муаммоларни ҳал этиш бўйича тегишли чоралар белгилаб олинди.