36-SONLI MAKTABDAGI MUAMMO DEPUTAT SO‘ROVI ASOSIDA O‘RGANILDI

✅ Xalq deputatlari Boysun tuman Kengashining 19-“Xo‘jabulg‘on” saylov okrugi deputati O‘. Murodov tomonidan Xo‘jabulg‘on mahallasida joylashgan 36-sonli umumta’lim maktabidagi mavjud muammolar yuzasidan deputat so‘rovi yo‘llangan.

✅ Deputat so‘rovida maktabning faollar zali hamda ko‘mir ombori tom qismi kuchli shamol ta’sirida shikastlangani, mazkur muammoni zudlik bilan bartaraf etish zarurligi qayd etilgan.

✅ Masala Boysun tumani Maktabgacha va maktab ta’limi bo‘limining ishchi guruhi tomonidan o‘rganildi. O‘rganish davomida 2026-yil 18-may kuni yuz bergan kuchli shamol oqibatida 36-sonli maktab faollar zalining tom qismi shikastlangani tasdiqlandi. O‘.Murodov

🏫 Ma’lum qilinishicha, tuman hokimligi hamda tuman moliya bo‘limi tomonidan tegishli mablag‘ ajratilishi bilan 2026–2027-o‘quv yili kuz-qish mavsumi boshlanguniga qadar maktab faollar zali tom qismini qisqa muddatlarda, o‘quv jarayoniga ta’sir ko‘rsatmagan holda to‘liq ta’mirlash rejalashtirilgan.

📌 Deputatlik so‘rovi — ta’lim muassasalaridagi mavjud muammolarni aniqlash, mas’ul tashkilotlar oldiga aniq masalalarni qo‘yish va ularning yechimini nazorat qilishda muhim vositadir.