Xalq deputatlari tuman Kengashining 2026-yilga mo‘ljallangan ish rejasiga muvofiq Kengash raisi O.Babayev tomonidan tumanning “Ugam” mahallasiga biriktirilgan xotin-qizlar faoli X.Sayidazimova faoliyati o‘rganildi.

🔵O‘rganish davomida oilaviy ajrimlarning oldini olish, oilalarda sog‘lom ma’naviy muhitni shakllantirish va oilaviy qadriyatlarni mustahkamlash bo‘yicha amalga oshirilayotgan ishlar muhokama qilindi. Ayniqsa, nizoli oilalarni o‘z vaqtida aniqlash, ularning muammolarini o‘rganish va mavjud kelishmovchiliklarni bartaraf etishda mahalla faollari hamda tegishli tashkilotlar bilan hamkorlikni kuchaytirish muhimligi ta’kidlandi.

🔵Shuningdek, mahallada faoliyat olib borayotgan “Oqila ayollar” tomonidan tashkil etilayotgan tadbirlar ham muhokama qilindi. Mazkur tadbirlarning mazmun-mohiyati, ular orqali oilaviy qadriyatlarni keng targ‘ib qilish, yoshlarni oilaviy hayotga tayyorlash, xotin-qizlarning huquqiy va ma’naviy bilimlarini oshirish hamda oilalarda sog‘lom muhitni qaror toptirishga qaratilgan ishlarga e’tibor qaratildi.

🔵O‘rganish jarayonida xotin-qizlar faolining mahalla faollari, “Oqila ayollar” harakati a’zolari, tegishli tashkilotlar va jamoatchilik vakillari bilan hamkorlikda ish olib borishi, oilaviy muammolarni erta aniqlash va ularni bartaraf etishga qaratilgan choralarni o‘z vaqtida belgilashi muhimligi ta’kidlandi.

🔵Shuningdek, “Oqila ayollar” tomonidan o‘tkazilayotgan tadbirlarni muntazam va ta’sirchan tashkil etish, ularda hayotiy tajribaga ega xotin-qizlar bilan bir qatorda, oilaviy masalalar bo‘yicha mutaxassislarning ishtirokini ta’minlash, aholi va yoshlar bilan ochiq muloqotlarni ko‘paytirish bo‘yicha tavsiyalar berildi.