Xalq deputatlari Zomin tuman Kengashi kotibiyati mudiri M.G‘oibnazarov tomonidan “Madad” NNTning Inson ijtimoiy xizmatlar markazida O‘zbekiston Respublikasi Prezidentining 2026-yil 11-sentabrdagi PF-193-son Farmoni ijrosi doirasida ehtiyojmand oilalarni ijtimoiy himoya qilish borasida amalga oshirilayotgan ishlar o‘rganildi.

O‘rganish davomida ehtiyojmand oilalarni aniqlash, ularning ijtimoiy holatini baholash, mavjud muammolarini manzilli o‘rganish hamda ularga ko‘rsatilayotgan ijtimoiy xizmatlar va yordamlarni yangi mexanizmlar asosida tashkil etish bo‘yicha amalga oshirilayotgan ishlar bilan tanishildi.

Shuningdek, fuqarolarga ijtimoiy xizmatlarni ko‘rsatishda manzillilik, individual yondashuv va ehtiyojdan kelib chiqib xizmat ko‘rsatish tamoyillariga e’tibor qaratilayotgani o‘rganildi.