Xalq deputatlari mahalliy Kengashi deputati o‘z vakolatlarini amalga oshirish jarayonida O‘zbekiston Respublikasi Konstitutsiyasi, “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, boshqa qonunchilik hujjatlari, Kengash reglamenti hamda Odob-axloq qoidalari talablariga qat’iy amal qilishi shart.

Deputat o‘z faoliyatida:

❗️Jamiyatda umum e’tirof etilgan odob-axloq tamoyillariga rioya etishi;

❗️fuqarolar va mansabdor shaxslarning huquqlari, sha’ni, qadr-qimmati hamda ishchanlik obro‘sini hurmat qilishi;

❗️ Deputat sha’niga dog‘ tushiradigan, mahalliy Kengash nufuzi va davlat manfaatlariga putur yetkazadigan har qanday xatti-harakatlardan o‘zini tiyishi lozim.

Shu bilan birga, Odob-axloq qoidalari deputatlarning O‘zbekiston Respublikasi Konstitutsiyasi va qonunlari bilan kafolatlangan huquq hamda erkinliklarini cheklamaydi, balki deputatlik faoliyatini yuksak mas’uliyat, halollik, xolislik va professional etika tamoyillari asosida amalga oshirishga xizmat qiladi.

📚 Manba: O‘zbekiston Respublikasi Oliy Majlisi Senati Kengashining 2023-yil 25-martdagi KQ-476-IV-son qarori bilan tasdiqlangan “Xalq deputatlari viloyat, tuman va shahar Kengashi deputatlarining namunaviy odob-axloq qoidalari”.