TIKUVCHILIK FAOLIYATI BILAN TANISHILDI

Xalq deputatlari Termiz tuman Kengashi 7-Qahramon saylov okrugi deputati S. Xakimov tomonidan o‘zi saylangan Nurli diyor MFY hududida tashkil etilgan tikuvchilik faoliyati bilan tanishildi.

O‘rganish ishlari mutaxassis T. Murodov tomonidan olib borilib, tikuvchilik faoliyatining yo‘lga qo‘yilishi, yaratilgan sharoitlar hamda o‘quvchilar uchun mavjud imkoniyatlar ko‘zdan kechirildi.

Faoliyat davomida 5 ta tikuv mashinasi mavjud bo‘lib, 2 nafar tikuvchi-o‘qituvchi tomonidan 10 nafarga yaqin o‘quvchiga tikuvchilik kasbi o‘rgatilmoqda. Bu esa xotin-qizlarning kasb-hunar egallashi, bandligini ta’minlash va daromad manbaiga ega bo‘lishiga xizmat qilmoqda.

Mazkur ishlar “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘zbekiston Respublikasining Qonunida belgilangan xotin-qizlar va erkaklar uchun teng huquq hamda imkoniyatlarni ta’minlash tamoyillariga hamohangdir.

Qonunchilik palatasi tomonidan 2019-yil 17-avgustda qabul qilingan, Senat tomonidan 2019-yil 23-avgustda ma’qullangan ushbu Qonun xotin-qizlar va erkaklarning teng huquq hamda imkoniyatlarini kafolatlashga qaratilgan.